აღნიშნული წესები და პირობები ვრცელდება ყველა იმ შეკვეთასა და მისაწოდებელ პროდუქციაზე, რომლის შესყიდვაც განხორციელდება მომხმარებლის მიერ შპს „ბინსი“-ის (ს/ნ 406184114) (შემდეგში „კომპანია“) შემდეგ საიტზე/ვებ-გვერდზე – Binsi.ge.
1. შეკვეთის მიწოდება
1.1. თუ მყიდველი/მომხმარებელი შპს „ბინსი“-ის (ს/ნ 406184114) ონლაინ ვებ-გვერდის საშუალებით განახორციელებს კონკრეტული პროდუქციის შეძენას და ითხოვს შეკვეთის მიწოდებას, შეკვეთა მიწოდებული იქნება იმ მისამართზე, რომელიც მითითებულია მომხმარებლის მიერ შემდეგ ვებგვერდზე – Binsi.ge.
1.2. მომხმარებელთან დაკავშირება განხორციელდება იმ ტელეფონის ნომერზე, რომელიც მან მიუთითა კომპანიის ზემოაღნიშნულ ვებ-გვერდზე შეკვეთის განსახორციელებად. თუ მყიდველის მიერ მითითებულ ტელეფონის ნომერზე ვერ მოხდება დაკავშირება, შეიძლება, რომ მიწოდება გაუქმდეს და მყიდველს დაეკისროს შეკვეთის სრული ღირებულების გადახდა.
1.3. მყიდველს შეუძლია მიუთითოს, რომ შეკვეთის მიწოდება მოხდეს მიწოდების სტანდარტული მეთოდით ან წინასწარ დააფიქსიროს მოთხოვნა და მიუთითოს მიწოდების კონკრეტული დრო.
1.4. შეკვეთის მიწოდება ხდება საქართველოს ტერიტორიაზე, შესაბამისი საფოსტო მომსახურების მეშვეობით ან მის გარეშე.
1.5. მომხმარებლის მიერ განხორციელებული შეკვეთის/შეკვეთების მიწოდების ფასები განსაზღვრულია წინამდებარე პოლიტიკის მე-3 მუხლით, შესაბამისად მყიდველს ეკისრება ვალდებულება გადაიხადოს შეძენილი პროდუქციის ღირებულება ამავე მუხლით გათვალისწინებული ტარიფების შესაბამისად.
2. მიწოდების დრო
2.1. მომხმარებლის მიერ შეძენილი პროდუქციის მიწოდების ვადები განსხვავებულია და დამოკიდებულია მომხმარებლის საცხოვრებელ ან/და კომპანიისთვის მიწოდებულ მისამართზე/ადგილმდებარეობაზე. თბილისის მასშტაბით შეკვეთა მომხმარებელს მიეწოდება შეკვეთის დადასტურებიდან იმავე დღეს ან არაუგვიანეს მეორე სამუშაო დღისა, ხოლო 2-დან 5 სამუშაო დღემდე – რეგიონებში/მუნიციპალიტეტებში.
2.2. შეძენილი პროდუქციის მომხმარებლამდე მიწოდების დრო, რომელიც ეცნობება მომხმარებელს არის მხოლოდ სავარაუდო დრო. არ არსებობს გარანტია იმისა, რომ შეკვეთა მიწოდებული იქნება განსაზღვრულ დროს. პროდუქციის მიწოდების დროზე გავლენა შეიძლება მოახდინოს ისეთმა ფაქტორებმა, როგორებიცაა საგზაო საცობები, პიკის საათები ან/და სხვა ფორს-მაჟორული გარემოებები.
3. მიწოდების საფასური
3.1. მომხმარებლისათვის ქ. თბილისის მასშტაბით მისაწოდებელ პროდუქციაზე, თუ პროდუქციის ღირებულება შეადგენს მინიმუმ 30 (ოცდაათი) ლარს, მომხმარებელს მიწოდების საფასურის გადახდის ვალდებულება არ ეკისრება.
3.2. გარდა 3.1 პუნქტით განსაზღვრული შემთხვევისა, მომხმარებელს ასევე, არ ეკისრება რეგიონში/მუნიციპალიტეტში მისაწოდებელ პროდუქციაზე მიწოდების საფასურის გადახდის ვალდებულება, თუ შეძენილი პროდუქციის ღირებულება შეადგენს მინიმუმ 70 (სამოცდაათი) ლარს.
3.3. იმ შემთხვევაში, თუ ქ. თბილისის მასშტაბით მისაწოდებელი პროდუქციის ღირებულება ნაკლებია 30 (ოცდაათი) ლარზე, მიწოდების საფასური განისაზღვრება შემდეგნაირად: ა) 0 კგ – 3.500კგ – 6.80 ლარი ბ) 3.501კგ – 6 კგ – 10.00 ლარი გ) 6.001კგ – 10 კგ – 13.20 ლარი.
3.4. იმ შემთხვევაში, თუ რეგიონში/მუნიციპალიტეტში მისაწოდებელი პროდუქციის ღირებულება ნაკლებია 70 (სამოცდაათი) ლარზე, მიწოდების საფასური განისაზღვრება შემდეგნაირად: ა) 0 კგ – 3.500კგ – 10.20 ლარი ბ) 3.501კგ – 6 კგ – 13.00 ლარი გ) 6.001კგ – 10 კგ – 18.60 ლარი.